ولائم إمـــــــاراتية على أصــــــــــــولها

في المجلس الخليجي للأكلات الشعبية، أكلنا مب مجرد أطباق تنجهز للولائم والمناسبات… أكلنا حكاية بيت، وريحة مطبخ قديم، ووصفات متوارثة من أهلنا الأولين

نجهز لكم أكلات إماراتية شعبية على أصولها، بطعم قريب من البيت، وبنَفَس العايلة اللي يخلي كل لقمة تذكركم بيمعات الأهل وسفرة المجلس

من المجبوس، والهريس، والثريد، والمرقوقة، لين البلاليط، والرقاق، والخبيص، والساقو، واللقيمات… كل وصفة عندنا لها طابعها، ولها مكانها في الذاكرة

الوصفات العائلية لها سرها. مب بس في المقادير، السر في النفس، وطريقة الطبخ، والصبر على النار، والبهارات اللي تنحط بميزان. عشان جي، نحرص إن كل طبق نطبخه يكون بطعم أصيل، ومكونات طيبة، وتجهيز مرتب يليق بعزايمكم ومناسباتكم

بعض النكهات ما تنسى؛ ريحة الهريس في المناسبة، وطعم الثريد في اليمعة، والمجبوس يوم يجتمعون الأهل، واللقيمات مع القهوة عقب الغدا. هذي هي الوصفات اللي نحافظ عليها ونقدمها لكم مثل ما هي: بسيطة، أصيلة، وكريمة

في المجلس الخليجي للأكلات الشعبية نطبخ لكم وصفات إماراتية تقليدية بنَفَس البيت، ونجهزها بكميات تناسب عدد ضيوفكم، عشان تكون سفرتكم عامرة، مرتبة، وتبيض الويه جدام الحضور

من وصفات أهلنا… لمجلسكم